Mbona mnavuta kamba, hamtaki ushindani,
Hivi sasa mnagomba, kwa kukosa ukinzani,
Nchi nzito kama mimba, hamtaki afueni?
Wakimbia ushindani, wataka ukiritimba ?
Mzigo mmeusomba, tena mwatia kichwani,
Njiani mwatoka shamba, letni niwabebeeni,
Kibaka mnanichamba, ni mwizi na mhuni?
Wakimbia ushindani, wataka ukiritimba ?
Ugonjwa umewakumba, kutokea viwandani,
Na sokoni mwauimba, na feri na mnadani,
Mmeshindwa kuimba, nyimbo ziko mkononi?
Wakimbia ushindani, wataka ukiritimba ?
Mnajipaka mavumba, samaki mwatupa chini ?
Heri mnayoikumba, mwasema si yenu thamani?
Mashavu yanawavimba, ibilisi mtadhani,
Wakimbia ushindani, wataka ukiritimba ?
Subscribe to:
Post Comments (Atom)
No comments:
Post a Comment