Sunday, November 18, 2012
Sherehe zingine baa
Hali usipoangalia, mwenyewe ukajifaa,
Waweza kushangilia, ujikute wazomewa !
Na hasa palipo njaa, uhitaji na ukiwa,
Sherehe zingine baa, zinajenga kuchukiwa !
Hali ukiangalia. busara zinatakiwa,
Sahihi kuliamua, kwa wakati kutambua,
Mengine ukiyazua, lawama wajitakia,
Sherehe zingine baa, zinajenga kuchukiwa !
Hata uwezo ukiwa, watakiwa achilia,
Shida ukairidhia, kwa mithili kuitia,
Mnyonge kutougua, na laana kufyatua,
Sherehe zingine baa, zinajenga kuchukiwa !
Jirani hawezi fiwa, wewe ukashereheka,
Mchawi hukudhania, kama hilo hujajua,
Hekima ukijaliwa, mapema huligundua,
Sherehe zingine baa, zinajenga kuchukiwa !
Subscribe to:
Post Comments (Atom)
No comments:
Post a Comment