Thursday, November 8, 2012
Kisomali
Watushinda Somalia, Kisomali kuringia !
Sisi wa kutojijua, Kiswahili twalegea,
Siwezi kuja shangaa, nyuma tusipobakia,
Kwa kuenzi Kisomali, Somali kutangulia !
Dalingi inshakuwa, ya kwao waitumia,
Waziri namsikia, nje ameteuliwa,
Chao anakiongea, jambo ung'eng'e ajua,
Kwa kuenzi Kisomali, Somali kutangulia !
Utabiri nautoa, Somalia kwelekea,
Matata wakijivua, wataanza kuchipua,
Mola amewajalia, katikati wamekaa,
Kwa kuenzi Kisomali, Somali kutangulia !
Mola amewajalia, katikati wamekuwa,
Kwa haiba wavutia, lugha rahisi kujua,
Wao wamedhamiria, ya kwao kujifanzia,
Kwa kuenzi Kisomali, Somali kutangulia !
Lugha weataitumia, umoja kujiundia,
Kisha wakajichambua, wakajipanga upya,
Kuzingira tasnia, waweze kujinynyua,
Kwa kuenzi Kisomali, Somali kutangulia !
Ndguu zao wamejaa, katika hii dunia,
Biashara wanajua, nyumbani watarejea,
Kwa lugha kupalilia, jamii wakanyanyua,
Kwa kuenzi Kisomali, Somali kutangulia !
Mudha haitachuka, Kisomali kitakuwa,
Masomo kutafsiria, kwa lugha yao kutia,
Zipo teknolojia, rahisi haya yakawa
Kwa kuenzi Kisomali, Somali kutangulia !
Ung'eng'e tuliolewa, kaeni kuangalia,
Inapaa Somalia, muda haitachuku,a
Nyie mlietangulia, wa mwisho mwaja mkawa,
Kwa kuenzi Kisomali, Somali kutangulia !
Subscribe to:
Post Comments (Atom)
No comments:
Post a Comment