Kadhi amehudhuria

kadhi amehudhuria, mazishi ya Saitoti,
Na katoliki kakaa, Kenya na wao hayati,
Hapa kwetu Tanzania, waumini wasaliti ?
Mazishi ya Saitoti, Kadhi amehudhuria !

    Imani imezuliwa, na uongo katikati,
    Wakuu wakasikia, yake leo hayapiti,
    Sasa ni wadhulumiwa, na wakati hausiti,
    Mazishi ya Saitoti, Kadhi amehudhuria !

Waumini ninajua, idadi hawaikuti,
Ni kidogo walokuwa, Kenya haina umati,
Ila haki wamepewa, kadhai amepewa kiti,
Mazishi ya Saitoti, Kadhi amehudhuria !

    Na dua ameombewa, ya watu wa misikiti,
    Udugu wazingatia, hakunayo hatihati,
    Ila sisi Tanzania, kwa fitna hatupatwi,
    Mazishi ya Saitoti, Kadhi amehudhuria !